但間間價錢都有返咁上下
想揾間價錢相宜 質素又唔差
海南少爺應該係其中之一
先講環境 雖然不及新翼個邊望西區大海景
但境觀算開揚 望到海 價錢又合理 值得試試
店內裝修精緻 茶壺杯碟都有南洋風味
招牌海南雞飯 $99
叫得海南少爺 一定必點海南雞飯
雞份量足 有差不多近半隻
食落嫩滑 合格有餘
油飯非常香 雞湯亦夠清甜
醬汁有例牌三樣 薑蓉 甜豉油 甜酸汁
以呢個價錢 無咩好挑剔
少爺小食拼盤 $178
另外點左個小食拼盤
拼盤有齊餐牌上大部分小食
一次試哂 滿足多心嘅朋友仔
要大讚嘅係即叫即炸 熱度十足
仲有大量蝦片 啱晒大班朋友share
炸雞翼係單骨 方便食
鬼馬油炸鬼炸得脆 蝦膠彈牙
魚肉春卷好惹味
美中不足係醬汁只配甜酸醬
但價錢同環境配搭下 仍然係抵食
