點咗星馬菜必食嘅椰香海鮮喇沙，一上枱已經聞到椰香味，配料好足，分別有魚片、魚卜，魷魚、蝦，佈滿整碗麵。蝦肉係已經剝咗殼，好方便，魚片好爽口，湯底較稠身，非常濃郁，麵質用左米粉米線滲滲，吸收哂湯既精華。
另外叫咗3個小食 - 沙嗲拼盤 （6串），星洲醬油參巴炒蘿蔔糕，檳城脆蝦角。沙嗲拼盤要左雞肉豬肉各3串，雞肉豬肉烤完仍保持肉汁，沾上濃中帶鹹香既沙嗲醬好夾。
檳城脆蝦角香脆可口，蝦肉份量足，非常爽口，沾少少泰式辣醬食更添風味。
星洲醬油參巴炒蘿蔔糕好惹味，蘿蔔糕呈正方體，細細粒，可以吃到參巴醬洋蔥以及蒜頭的顆粒感，香氣四溢。
