Video
Read full review
2021-01-06
2160 views
今日要嚟旺角做嘢，有人話好耐無去過 Moko 新世紀廣場，提議放工過去吃頓 early dinner，順便逛逛場內新開嗰間一站式傢俬店。一上電梯就見到這間「Wheatfield X 羅宋湯專門店」，據知餐廳主攻輕食快餐，將傳統羅宋湯融入不同新派健康麵食，及以不同經典小食配搭，好啱我倆口味，一於不作他想。我哋揀咗個廚師推介套餐 同 自選配搭湯麵套餐，兩個餐都係全日供應。廚師推介套餐 ($88)：套餐包一款湯同一客豬仔包，另外仲有熱飲。餐廳主打羅宋湯，當然唔可以錯過，揀咗海派牛腩羅宋湯、香煎豬扒脆豬仔包及熱檸茶。店裡嘅羅宋湯，同外面一般餐廳嘅出品果然好唔同，不但熱度十足，而且湯身還浮著薄薄牛脂，味香色濃，每羹啖啖蔬菜，加上煙韌入味嘅牛腩，絕對不是坊間以茄膏去煲的羅宋湯可媲美。另外個香煎豬扒脆豬仔包亦非常美味，豬仔包份量十足，包身烘得無比脆口。豬扒肥瘦均稱，肉質鮮嫩，醃得入味又夠鬆軟，而且入口還帶少許甘香脂肪，夾埋生菜、蕃茄同沙律醬一齊食，口感很豐富。至於個全日自選配搭湯麵套餐 ($82) 就揀咗海派豬髀肉羅宋湯配手打烏冬。羅宋湯味道非常濃郁，蔬菜的甜味完完整整地滲入每一口湯之中，入口濃
一上電梯就見到這間「Wheatfield X 羅宋湯專門店」，據知餐廳主攻輕食快餐，將傳統羅宋湯融入不同新派健康麵食，及以不同經典小食配搭，好啱我倆口味，一於不作他想。
我哋揀咗個廚師推介套餐 同 自選配搭湯麵套餐，兩個餐都係全日供應。
廚師推介套餐 ($88)：套餐包一款湯同一客豬仔包，另外仲有熱飲。餐廳主打羅宋湯，當然唔可以錯過，揀咗海派牛腩羅宋湯、香煎豬扒脆豬仔包及熱檸茶。
店裡嘅羅宋湯，同外面一般餐廳嘅出品果然好唔同，不但熱度十足，而且湯身還浮著薄薄牛脂，味香色濃，每羹啖啖蔬菜，加上煙韌入味嘅牛腩，絕對不是坊間以茄膏去煲的羅宋湯可媲美。
另外個香煎豬扒脆豬仔包亦非常美味，豬仔包份量十足，包身烘得無比脆口。豬扒肥瘦均稱，肉質鮮嫩，醃得入味又夠鬆軟，而且入口還帶少許甘香脂肪，夾埋生菜、蕃茄同沙律醬一齊食，口感很豐富。
至於個全日自選配搭湯麵套餐 ($82) 就揀咗海派豬髀肉羅宋湯配手打烏冬。羅宋湯味道非常濃郁，蔬菜的甜味完完整整地滲入每一口湯之中，入口濃稠帶微辣。豬髀肉肉質細嫩，肉味甚濃；烏冬呈扁長形，幼細順滑，附著湯汁食，溫暖又滿足。
套餐包一款小食，有溏心蛋、麻辣雞柳絲、是日蔬菜可供選擇，+$12 可配一款肉扒。揀咗香煎薄牛扒，店員稱，可能是廚師一時忙亂，錯弄了一客香煎薄牛扒脆豬仔包，那也不打緊，牛扒肉質好軟熟，焦度亦剛好，配香脆嘅豬扒包吃，非常美味。
兩款套餐都包熱飲，如果想轉凍飲就要 +$3、汽水 +$5，而特飲就可以半價換購。
Post
