粵藝館 (海運大廈)

Open Now

Now Closed

近期天氣真係太熱，只想跟家人留在室內行街，而海港城係選擇之一。晚餐都留番度解決，去左試下有一片維港海景既粵藝館。座位好坐之餘又可以睇住維港景色等食飯。前菜的鰹魚花醉鮑魚先到，鮑魚既花雕味非常香濃。跟上大塊花膠既不時不燉湯帶除左花膠軟滑，湯品都火喉十足。一蟹兩藝包括炸軟殼蟹伴陳醋野菜沙律及皇室焗釀蟹蓋，軟殼蟹炸得十分香脆，而焗釀蟹蓋既用料十足蟹肉滿瀉。花膠天白菇菜膽上埸，整片花膠入口軟滑，配以已炆至軟淋的菜膽及香白菇，又係一個冇得輸既組合。參蜜焦香叉燒夠件頭又肉味不俗。瓦罉啫啫唐生菜夠熱燙，跟上唐生菜既汁醬也惹味。 這裡既有海景也有美食，相當適合一家大小來品嚐。