築地‧山貴水產市場 (Closed)

築地，係香港人的至愛。用築地做名，難怪此店最初開幕，條長龍勁誇張，無耐性排隊的我，一直無機會試。星期六下午兩點左右，在附近尋食諗起佢，行去望下仲有無龍，喜見無乜人。揾個面對維港的靚位坐低，order 最愛的壽司。壽司好新鮮，仲有間八魚、金目鯛等比較特別的選擇，味道唔錯。重點係在天朗氣清的下午，面對無遮擋的無敵靚海景食飯，真係無得輸！美中不足是，行去碼頭條路因為做緊工程，比較迂迴同大塵。要等工程完成，相信仲有一段時間。