名家韓國餐廳

Open Now

Now Closed

今日竟然再有機會同大少一齊食飯、我一早已經book好咗名家嘅海景單位。預約訂枱時,個姐姐同我講海景單位係先到先得,唔一定可以預留到，我哋成1:00先到，竟然仲可以有海景單位，真係好開心。雖然之前已經食過名家好幾次，今次係第一次同大少食。大少叫咗燴牛肉片套餐，而我就叫咗牛肋骨湯。每個餐都跟白飯，同埋海帶湯，仲有六款韓式漬菜。我見大少個套餐，雜菜多個牛肉，我問佢好唔好食，佢就話一般啦反而個海帶湯就有啲鹹。我個牛肋骨湯，有三舊大牛肋骨，都唔錯，亦都有白蘿蔔同埋韓式粉絲響裏面。可能個牛肋骨湯比較濃味，所以我飲個海帶湯嘅時候就唔係覺得太鹹。總括嚟講，$100左右有一個餐，有飯有湯有餸，有海景單位，其實都算係咁。