港式茶餐廳 (Closed)

話說今晚有位好兄弟係自己屋企附近,問我食唔食飯,見大家難得咁就腳,又悶悶地,當然出去食個飯,吹下水啦....晚上十一點,上中環基本上除左CLUB,BAR,Flying Pan之外,要收既都收得七七八八....我兄弟病病地,我當然唔能夠帶佢行幾個鐘搵野食啦...行行下,見到港式茶餐廳,就入左去...其實呢間都係翠華,不過就唔知點解叫做港式啦...我係中環返工大大話話都已經兩年了,一直都冇入過呢間茶餐廳食過,因為一來貴,二來lunch成個中環都冇咩邊間食肆係冇咩人...今晚去到一入去,招呼唔錯,本來叫我地坐兩人卡位,見到有空既四人卡位都叫我地坐個邊舒服d....之後我諗唔到食乜,叫左個海南雞飯,50蚊,我朋友病病地就叫左個魚旦河,我個飯黎左先,賣相,其實一般,不過見佢寫明無骨既,當然要試下有冇九龍酒店既去骨海南雞飯咁好味!!!但係,強差人意,雞,明顯係去唔晒d骨,雞肉切得太簿,而且太硬身,咬落去都好痴牙下...個飯,唔算好油,一睇落去,仲以為係絲苗白飯...醫汁,都唔算突出...唯獨係個湯比較好味,好多料,我飲完湯都飽得七七八八,不過50蚊,係中環黎講,係正常,但係食物角度黎講,唔抵...