唔想等位，所以試一試
海南雞飯（大）
份量幾足，一個女仔會食唔晒。雞皮太厚，但唔算多肥膏。好多雞啫喱，所以有啲漿口，雞肉好滑，但雞味唔算好濃。整體嚟講係質素唔錯嘅海南雞。
不過油飯令人好失望，香味唔足，而且係爛飯，亦冇好似坊間咁加足乾蔥、乾蒜或豬油渣增加口感。
跟飯有經典三種醬汁，做足本份。隻豉油同平時食開嘅黑豉油唔係好似，質感比較稀。
加$8可以有個湯
本身想叫肉骨茶，但已經賣晒
不過南瓜蘿蔔湯都唔錯，入面有一嚿豬肉，幾舊紅蘿蔔同埋南瓜肉，口感濃厚夠味足料
個油飯實在太扣分，整體嚟講唔算太抵食
