把鬼！應該近年食過最差！原味出前一丁上枱冇俾包麻油你已經怪，第一啖食⋯⋯咁乸啖嘅？！唔通未撈勻？撈下先，再食⋯⋯我頂，都係冇味！？佢似一包粉落落四包麵嘅份量先可以咁啖⋯⋯最後難為咗我仔，佢錫我就話今日想食淡啲🥰，再嚟多士，我仔食咗兩啖就話唔食，我問佢點解？佢話塊包乾到爆，又薄又得一邊有少少牛油🧈，仲有個所謂奄列，味道係ok嘅，只不過上下兩塊蛋皮薄到透光啫，到杯野飲，我杯+$1即磨咖啡☕️正常，但+$1唔值，我仔杯阿華田走甜少冰，杯野又係半透明，完全冇味，似一杯清水唔覺意到咗少少阿華田粉落去，呀仔話飲佢自己支水好過⋯⋯個早餐雖然唔係好貴，但使唔使咁孤寒呀，總括嚟講「垃圾」到一個點！
仲未講到佢個所謂沙嗲牛肉，得三片薄牛肉，又冇沙嗲味，似水烚牛肉⋯⋯
The above review is the personal opinion of a user which does not represent OpenRice's point of view.
Like
frank2346
更正：經營
frank2346
多謝你！我會留意！謝謝
phyllis1506
你係咪有少少前言不對後語a) 你同個仔叫了3份早餐b) 我見你在其他平台都追擊人哋， 點會冇諗過想講出來呢？c) 始終沒圖沒真相，這樣真係對店 主不太公平啦d) 我都食過好多次，無論食物質數 及環境都唔錯，好舒服，整體都 okay 。生意都不俗，如你所講沒 理由可以做到咁多年e) 如果你即時反映，但佢哋態度惡 劣不接受，你先寫你的意見都未 遲，沒需要追住人哋唔放啦！f) 一支筆可以幫到人，亦可以寫死 人，咁又何必呢？
Dining Method
Dine In
