合十 (Closed)

來到觀塘浪漫Fusion咖啡店☕，餐廳內以白色及木色為主調，舒服寫意。餐廳半露天部份仲掛滿漫天燈串⭐，黎食睌餐真係好有feel 💕。呢度主打新派西餐，所以前菜燒牛肉紫洋蔥沙律有啲泰國風味😂🥩燒牛肉香口軟嫩，沙律有紫洋蔥、菠蘿、車厘茄、蒜片等，好豐富，伴埋啲泰式辣汁，好開胃。🍕巴馬火腿火箭菜薄餅，餅底又薄又脆，超香口。🍔迷你巨型豬扒包，豬扒厚切大大塊。聽店員講用左梳打水，蔬菜水果同香草腌，好入味又鬆軟。呢度啲飲品名都好特別😍❤️戀愛預告用荔枝汁、蝶豆花梳打水同玫瑰花蜜，整成紫色和粉紅色漸層，上面仲有球雪糕，好靚。😂多一士不如少一士用左士多啤梨🍓、檸檬汁🍋及乳酪，酸酸甜甜，清新美味。