揀左呢間dear lily,之前黎過2次，
2次都係夜晚，今次係第一次日頭黎
個感覺都幾唔同，可能因為佢對住過海
所以氣氛同燈光都幾好嘅
呢度嘅裝修好靚，佢嘅天花板都放滿左花
風格比較女仔，好適合一班女仔嚟食飯
氣氛都幾浪漫💕
首先我哋今日lunch就叫咗個英式早餐茶
佢嘅茶壺同茶杯都好靚啊，
mozzarella stick ,Caesar salad 每樣上菜都好快
最愛既係..呢樣
buffalo wings好惹味，味道夠濃但唔會過咸
我想講所有嘢食都好有水準
首先沙律嘅份量好多，芝士亦好豐富
食得出佢嘅沙律菜好新鮮，
另外mozzarella cheese stick就熱辣辣,
裏面嘅芝士非常之香口!
我地仲叫左個octopus 既side dish
呢樣都好好食，唔會咬唔開
調味做得岩岩好
2個人食左咁多樣其實都未到main course 嫁
主菜我就叫左魚
個魚
好滑好好食之前食左咁多野都有d怕食唔落主菜
但佢整得好好，creamy得黎唔會好濃味
連朋友試左我個魚都這好食
佢底下既薯溶都好好食，推薦大家可以一試
平時好怕食魚，但呢碟真係整得好出色
今餐2個人真係叫得好多，好滿足呀
