Starò

Open Now

Now Closed

中學同學聚會，唔知去邊好度，朋友介紹係諾士佛臺有間好靚既星空餐廳，係網上睇到好靚既餐廳圖片，而且呢度非常適合傾計，滿是星空的燈光裝飾好岩女生既打卡慾。被相片中超大隻既紅蝦吸引，西西里紅蝦手工幼蛋麵，紅蝦有成隻手掌甘大，而且蝦頭爆晒蝦膏，蝦肉爽口彈牙，而幼蛋麵軟身得來吸收晒蝦膏同醬汁既精華，味道一流‼另一款不能錯既菜就係意式燒乳豬配焦糖蘋果芥末籽蓉。乳豬即燒，雖然等耐左少少，但絕對值得。乳豬燒得非常香脆，而家肥瘦平均，仲好多汁水。仲叫左2款小食，炒雜菜同薯條控不能錯過既意大利黑松露薯條。炒雜菜只用簡單鹽同黑椒調味，但都多好新鮮既蔬菜甜口。而薯條新鮮即炸，好濃薯仔香味，而且仲好香脆，配上黑松露醬，真令人食唔停口。呢款無酒精既saturn, 由百香果，菠蘿汁，橙汁同檸檬汁調制，味道酸酸甜甜，解膩之餘仲好開胃。餐廳月特調cocktail my sign, 隨不同月份而有所改變。