芝加哥串燒 (美豐花園) (Closed)

最近honey減肥有少少成績，話要獎勵下自己😅又要好味，又冇咩澱粉質🧐食串燒最好不過🤤住大埔嘅朋友推介呢間串燒小店，位置有少少隱閉但勝在旺中帶靜，入夜之後、柔和燈光之下氣氛浪漫，傾計談心一流，非商場連鎖食肆能夠媲美。除咗串燒之外，呢度仲有好多手工啤酒、清酒、大吟釀⋯⋯飲住啤酒食串燒，人生一大樂事！Crisp Apple Cider $45味道介乎蘋果汁與啤酒之間，有啤酒嘅苦澀味，又有蘋果嘅酸甜滋味，清新爽口，係食串燒嘅好選擇！串燒鵪鶉蛋$18 好少地方有得食好特別鹽燒牛舌$29 超好味👍🏻👍🏻牛舌口感彈牙，加埋鹽和黑胡椒十分惹味！燒雞翅包飯$18雞翅裏面饟左糯米飯，燒得熱辣辣又香又脆，外面搽左少少蜜糖甜甜哋好好味。鹽燒雞軟骨$11鳳梨燒$18一口和牛串$42牛味十足，香濃惹味，牛魔王必食🤤鋪燒鰻魚$68條鰻魚好肥美，肉質彈牙，食落魚嘅油脂香味加埋燒嘅焦香味冇得彈！👍🏻👍🏻鹽燒三文魚頭$68有成足足半個三文魚頭，分量十足，配備一小碟醬汁，但我覺得滴少少檸檬汁已經好好味。