Video
Read full review
2019-05-09
29 views
要慶祝重要嘅周年紀念，絕對要搵一間有驚喜嘅餐廳，睇OpenRice搵咗好多資料，似乎呢間漁獲浜燒最能符合要求，結果如願以償，驚喜滿載，係好開心好開心嘅一餐睇過食評，知道會有專人幫你燒食物，我最期待嘅，就係見證食物變製成品嘅一個奇妙過程龍蝦刺身二食做刺身之前，會有專人拎隻龍蝦比食客過目，隻龍蝦好生猛，對住我仲張牙舞爪過目之後，大龍蝦就變成刺身了。因為新鮮，所以龍蝦肉好鮮甜，肉質亦都好結實每一口都晶凝通透，點小小Wasabi，更能提鮮食完刺身之後，會有專人幫你將龍蝦嘅其餘部份浜燒先將龍蝦尾燒熟，刮出龍蝦肉，再配合埋味噌汁同埋蝦膏，慢慢再浜燒燒左一陣之後，兜甲羅燒終於大功告成，可以食啦龍蝦糕嘅香濃，配合啖啖的蝦肉，加上熱辣辣嘅溫度，每一啖入口都非常滋味沖繩風沙律這個沙律，食入口嘅感覺，係非常清新非常Fresh，口感獨特嘅沖繩海葡萄，甘中帶甜嘅沖繩溫室苦瓜，都係自沖繩食過之後，喺香港食到最新鮮嘅一次。呢個沙律，除咗蔬菜之外，仲配上左雜錦魚生，令到個口感層次冇咁單調，清中帶鮮，就是這種了喜知次塩釜燒呢個喜知次塩釜燒絕對又係一個表演之作，烹調嘅每一個部份都很精彩。喜知次就在海鹽裏面啦，需要經過12
睇過食評，知道會有專人幫你燒食物，我最期待嘅，就係見證食物變製成品嘅一個奇妙過程
龍蝦刺身二食
做刺身之前，會有專人拎隻龍蝦比食客過目，隻龍蝦好生猛，對住我仲張牙舞爪
過目之後，大龍蝦就變成刺身了。因為新鮮，所以龍蝦肉好鮮甜，肉質亦都好結實
每一口都晶凝通透，點小小Wasabi，更能提鮮
食完刺身之後，會有專人幫你將龍蝦嘅其餘部份浜燒
先將龍蝦尾燒熟，刮出龍蝦肉，再配合埋味噌汁同埋蝦膏，慢慢再浜燒
燒左一陣之後，兜甲羅燒終於大功告成，可以食啦
龍蝦糕嘅香濃，配合啖啖的蝦肉，加上熱辣辣嘅溫度，每一啖入口都非常滋味
沖繩風沙律
這個沙律，食入口嘅感覺，係非常清新非常Fresh，口感獨特嘅沖繩海葡萄，甘中帶甜嘅沖繩溫室苦瓜，都係自沖繩食過之後，喺香港食到最新鮮嘅一次。呢個沙律，除咗蔬菜之外，仲配上左雜錦魚生，令到個口感層次冇咁單調，清中帶鮮，就是這種了喜知次塩釜燒
呢個喜知次塩釜燒絕對又係一個表演之作，烹調嘅每一個部份都很精彩。
喜知次就在海鹽裏面啦，需要經過12分鐘浜燒嘅時間，就可以將佢逐層打開
時間一到，甜美姐姐就過來將海鹽敲碎，等喜知次出土
開的時候很工整，海鹽逐片地剝掉
最後喜知次就會出現在大家嘅面前啦
喜知次脂肪夠多，所以魚肉會很嫩滑，以海鹽燒的方式，可以鎖死魚汁，食落更鮮甜酒煮雜貝
新鮮嘅貝殼類水產，亦都係我嘅最愛，貝類鮮甜嘅感覺，令人一食再食。
新鮮嘅貝類有五種，包括貴妃蚌，北寄貝，同象拔蚌仔，一次過食齊五種口感
貝殼開邊之後，會有專人將鍋內嘅酒點火，即使火舌四起，震撼視覺嘅享受
燒過的酒，剩下酒香，凸顯出貝殼的鮮甜，昇華了味覺感受
好香好甜，咬落有爽爽的感覺
味噌蟹甲羅燒（配多士）
蟹膏同蟹肉，加入雞蛋，放在爐上慢慢的燒，直至到有一點治治聲，聞到味味的炭火香，咁就大功告成了
一大擔嘅蟹肉蟹膏，鋪滿多士食入口，係最好味嘅食法越後櫻 大吟釀
大吟釀入口嘅感覺，當然會係最清澈，最滑順嘅口感，淡淡嘅幽香，酒質輕柔，配合海鮮不可少
你一啖，我一啖，酒已漸濃
番薯雪糕，椰子雪糕
椰子雪糕用椰子殼裝着，番薯雪糕亦用冰番薯盛載
番薯雪糕口感清甜，番薯味濃烈，入口卻好滑溜，為完美的一餐畫上句號
餐廳環境好有日本居酒屋嘅風格，沙發卡位坐得闊落，可以舒舒服服咁食一餐
食了頂級新鮮食材，完美嘅服務質素，好滿意
臨走嘅時候，門口有好多相，原來陳瀅都嚟食過啊
好似睇緊表演嘅一餐，服務細心細意，帶另一半嚟另一定會滿意
Post
