岸久巿場 (Closed)

好耐冇食浜燒，朋友介紹呢間餐廳好似唔錯，就過黎食下。呢間日本餐廳幾有feel, 服務都唔錯。岸久漁師沙律 78大大碗好吸引，除左有三文魚，吞拿魚，重有櫻花蝦花，新鮮惹味之餘又開胃。岸久刺身四點盛合 158刺身有齊三文魚，油甘魚，甜蝦，帶子同牡丹蝦。三文魚油脂分佈均勻，肉質肥美。份量剛好適合兩個人食。北寄貝寶寶 48雖然係寶寶，但都相當飽滿，口感彈牙，燒過但能鎖住水分。二重蝦手卷 （赤蝦+甜甘蝦）38蝦不嬲都係我既最愛，大大隻好彈牙，飯粒軟熟剛剛好。