秋田浜燒食堂

Open Now

Now Closed

咁耐冇去日本，唯有喺香港食下日本嘢，幻想一下。一開始先有 「一手赤蝦」的活動，一手拎到幾多隻，就有幾多隻免費赤蝦！我哋拎到八隻，一半刺身一半浜燒，各有千秋！我個人就鍾意刺身多啲，味道更加鮮甜！今晚點咗 「小樽漁港」套餐，非常豐富呀！食完沙律同前菜之後就到刺身。刺身五點選料新鮮，最好味係油甘魚同埋帶子。日本直送生蠔可以生食或者浜燒，今晚選咗生食，生蠔體型修長，食落爽身，海水味唔重。之後浜燒嘅海鮮有鮑魚、帆立貝同北寄貝，侍應直接喺枱邊燒，味道好香，燒完新鮮熱辣即刻食，好味道！帶子味道尤其鮮甜，加咗少少牛油調味，好香好正然後到蟹味噌甲羅燒，味道好濃郁，配上多士食剛剛好。最後仲有飯或者烏冬，同埋甜品，真係飽到上心口，大滿足！呢度食飯氣氛唔錯，下次可以再嚟食飯傾偈。