尚鮮日式燒肉漁市場 (Changed Hand) New Restaurant

放假一於同屋企人食餐好的！上網搵到尚鮮日式燒肉漁市場！始終屋企人年紀大，唔係食到好多肉，所以近幾年出街食都會重質不重量！呢度有浜燒海鮮 x 日式燒肉放題2個鐘任食！屋企人中意食海鮮，所以一於呢間！首先上枱係龍蝦刺身都幾多肉鮮甜，一人幾舊過下口癮！食完之後店員會拎到隻龍蝦去煲粥！龍蝦二食不過可能因為已經無晒肉，所以個粥無乜味之後係重頭戲海鮮拼盤！四人份量，有甲𤓓燒，鮑魚，帶子，象拔蚌等！隻隻飽滿有肉！加$18仲可以要貴妃蚌添！梗係要食下其他野！呢個火炙牛拖羅壽司有質素啊！食左幾round！仲有清酒煮蜆同麻辣煮蜆！大大隻夠入味！之後梗係要食肉！肉的種類都算多！個人推介牛舌，雞腿肉，同豬頸肉！最後仲一人一杯Movenpick雪糕添！整體感覺不錯！價錢合理！只係飲品選擇較少，只有有糖的飲料，無茶，水個啲提供，未能照顧所有人的需要。