Video
Read full review
2017-10-31
3580 views
餐廳內有一個魚缸養住各種海產，即撈即燒（即係浜燒），所以呢度嘅海鮮都係非常新鮮嘅，可以食出漁獲的鮮味。呢一日嚟到呢度同朋友慶祝生日，我哋兩個都非常滿足餐廳安排我哋坐counter，可以睇到幾位師傅成晚又燒海鮮又整刺身壽司［浜·崎二人前，$850/位］我哋揀咗呢個set，相當豐富［燒和牛野菜］和牛薄片沾滿咗日式芝麻醬，再放喺爽脆嘅沙律菜上。呢個係一人份量，前菜嚟講都幾大碟！不過就稍嫌日式芝麻醬蓋過咗牛味［刺身4點］秋刀魚—正值秋天當造期，秋刀魚皮下會有一層薄薄嘅脂肪，食落魚味濃郁豐腴，油脂豐富，肉質嫩甜吞拿魚腩—粉紅色嘅拖羅光澤十足，非常新鮮，一放入口即時散發香醇嘅魚油香味，口感順滑、入口即溶活赤貝—相比起其他三款刺身，活赤貝嘅味道雖然係比較淡，但食落鮮甜爽口唔腥，用紫蘇葉包住食味道更豐富加拿大海膽—加拿大海膽體積偏大，刺身就自然肥美豐厚。除咗望落新鮮實淨之外，食落口更係滑不溜口、甘香鮮甜［浜燒盛盒］炭爐就喺counter後，所以我哋可以睇住師傅燒。個爐雖然火候十足，但唔洗怕危險，因為有塊玻璃隔住，亦唔洗怕吹到成身都係灰日本蠔—見師傅燒嘅時候不時加上醬油等調味料，將蠔燒至全熟，雖然蠔身纖
餐廳內有一個魚缸養住各種海產，即撈即燒（即係浜燒），所以呢度嘅海鮮都係非常新鮮嘅，可以食出漁獲的鮮味。呢一日嚟到呢度同朋友慶祝生日，我哋兩個都非常滿足
餐廳安排我哋坐counter，可以睇到幾位師傅成晚又燒海鮮又整刺身壽司
［浜·崎二人前，$850/位］我哋揀咗呢個set，相當豐富
［燒和牛野菜］和牛薄片沾滿咗日式芝麻醬，再放喺爽脆嘅沙律菜上。呢個係一人份量，前菜嚟講都幾大碟！不過就稍嫌日式芝麻醬蓋過咗牛味
［刺身4點］秋刀魚—正值秋天當造期，秋刀魚皮下會有一層薄薄嘅脂肪，食落魚味濃郁豐腴，油脂豐富，肉質嫩甜
吞拿魚腩—粉紅色嘅拖羅光澤十足，非常新鮮，一放入口即時散發香醇嘅魚油香味，口感順滑、入口即溶
活赤貝—相比起其他三款刺身，活赤貝嘅味道雖然係比較淡，但食落鮮甜爽口唔腥，用紫蘇葉包住食味道更豐富
加拿大海膽—加拿大海膽體積偏大，刺身就自然肥美豐厚。除咗望落新鮮實淨之外，食落口更係滑不溜口、甘香鮮甜
［浜燒盛盒］
炭爐就喺counter後，所以我哋可以睇住師傅燒。個爐雖然火候十足，但唔洗怕危險，因為有塊玻璃隔住，亦唔洗怕吹到成身都係灰
日本蠔—見師傅燒嘅時候不時加上醬油等調味料，將蠔燒至全熟，雖然蠔身纖巧，但勝在飽滿creamy，蠔味濃，甘香鮮甜，燒完都唔會縮得太細，肉質都冇韌
活伊勢海老—雖然隻龍蝦已經蝦斬開兩半，但燒嘅時候依然會郁吓郁吓，可見新鮮程度
燒完之後師傅將龍蝦起肉再砌返落個殻度，食起上嚟非常方便。啖啖肉嘅新鮮龍蝦，每一啖都係鮮甜嘅滋味
蟹肉蟹膏甲羅燒—蟹蓋上放滿綠色蟹膏、蟹肉同鵪鶉蛋，師傅邊攪拌邊燒
燒好嘅甲羅燒軟滑鮮甜，再配埋師傅俾我哋嘅紫菜同青瓜夾住食，整體更清爽
活鮑魚—火候掌握得十分好，唔會燒過熟而變韌
厚身嘅鮑魚口感彈牙又保留到肉汁，鮮甜無比
［海鹽燒日本直送時令活魚］我見條魚喺個爐上都燒咗好耐，但食落口依然係嫩滑多汁。唔知呢條叫咩魚呢，佢味道鮮甜，又冇乜細骨，非常好食
［日本佐賀A3和牛］燒到五成熟嘅佐賀和牛，牛味濃郁不在話下，肉質更加係柔軟到入口即化。側邊三款調味料係鹽、酸汁同芥末，而對我嚟講，呢塊高質素嘅牛肉原汁原味已經非常好味，唔需要點
［黑松露野箘魷魚錫紙燒］黑松露醬嘅份量都相當多！魷魚雖然唔多，但勝在爽口鮮味，而且食食吓有淡淡酒香溢出，同強烈嘅黑松露味非常夾啊
［松葉蟹野菜鍋］湯底同松葉蟹腳嘅清甜味道相輔相成，令到豆腐同娃娃菜等淡味嘅食材都變得鮮味更多。松葉蟹腳雖然連殻，但自己都好易起肉
［芝士鍋烏冬］野菜鍋嘅料夾起哂後就用嚟煮芝士烏冬，但我覺得呢個芝士有少少唔太夾，有可能係因為太少、唔夠芝士味、到喉唔到肺... 或者反而唔落芝士，食湯底本身嘅清甜味會更出色
［日本雪芭］雪芭有柚子、咖啡、芝士三款味道可以揀，本身我想試芝士味，但怕太漏，所以都係揀柚子味，因為真係食得好飽好飽，希望柚子可以消吓濟。雪芭食落清新酸甜，而且仲有柚子喺入面，係真材實料嘅雪芭啊
一路食飯一路傾偈又一路望住師傅忙呢樣忙嗰樣，原來都不知不覺過咗差唔多三個鐘
Post
