漁獲浜燒 (Closed)

之前去過銅鑼灣個邊嘅食飯，知道尖沙咀這裡都有分店，當然要上去支持一下，因為這裡時常都有超新鮮嘅食材！先點了特製黑松露炙燒平目魚邊沙律，肥美嘅平目魚邊經過火炙後個陣魚油更出味，加埋黑松露同埋啲牛油果一齊入口，味道香滑美味！再來就係池魚刺身，估不到是原條池魚，由師傅將池魚起肉變成刺身並伴住大半隻碟，油脂非常厚，入口質感爽脆，透着淡淡的鮮甜，正！當食完後，店員收回，再入廚房炸魚骨，出來十分香脆可口！跟住就係今晚嘅戲肉原隻石蟹，先打個卡先！一隻兩味！蟹腳浜燒，蟹身就石鍋飯上，師傅轉個頭已經將石蟹處理，店員為我們燒蟹腳，細心嘅師傅已經幫忙將蟹殼劈開讚燒嘅時候不用太耐同埋方便食得到啲香甜新鮮嘅蟹肉！蟹鉗啲肉質非常鮮味爽口，店員亦好有耐心慢慢將蟹腳燒熟，而且見啲蟹殼比較硬還幫我們將蟹腳內嘅蟹取出，真係夠晒細心，當差不多完成品嘗所有嘅蟹腳後，個漁獲海鮮釜飯上枱，先前個蟹身差不多完整填滿了個釜飯上，個陣香濃嘅蟹膏味道直撲鼻腔！入口味道飯身軟熟香軟，加埋香濃嘅蟹膏完全係絕佳嘅選擇！而這裡嘅飲品亦超多選擇，喜歡飲清酒嘅朋友真係多到眼花撩亂！我都點了杯烏龍茶割燒酎，茶味香濃外，入口還有陣陣嘅酒香！人生就係要食