秋田浜燒食堂

Open Now

Now Closed

我想食浜燒好耐啦，呢間餐廳留意左一段時間一直心思思想食，終於都食到啦😍餐廳裝修有日本風格，燈光幽暗。有單點有套餐，見套餐有齊刺身、海鮮浜燒、甲羅燒、茶漬飯咁豐富，就揀左京都漁港二人前套餐😙落單後，店員說只要讚好社交平台就可以一隻手抓赤蝦，抓到幾多隻就全部免費贈送，我地一隻手抓到5隻，餐廳好友善送多一隻給我們，我地選擇一半做刺身一半燒烤，可以試到兩種食法。刺身鮮甜爽口彈牙，燒蝦肉質實淨香口，各有風味。魚干香口帶甜味，配上沙律醬，佐酒一流。刺身五點尚算厚切，中規中矩。海鮮有青森殘酷網鮑、北寄貝、帆立貝、甲羅燒，鮑魚上枱時好生猛。全程店員會在我們面前燒，不時同我地交流，燒海鮮時間亦拿捏得精準。海鮮爽口有鮮味，鮮嫩多汁😋甲羅燒濃濃蟹膏味道配上脆塊好夾，野菌黑松露味道濃郁食到呢到已經好飽，鰻魚茶漬飯細細碗啱啱好，飯吸左湯嘅鮮味，鰻魚入口即化。最後甜品以雪糕作結🍨今餐食左差唔多兩個幾鐘，一個餐可以食到唔同種類美食好滿足好飽肚。