流水蝦 (Closed)

-流水蝦-泰國好流行嘅流水蝦而家在香港都食到喇，近近地觀塘就有得食，而且CP值都頗高每枱座位旁邊都有個魚缸，可以即夾即燒，佢地用嘅係大頭蝦，生鮮生猛，大頭蝦出名爆膏，蝦頭滿滿橙紅色嘅膏，非常吸引🤤一開爐餐廳會送上海鮮船同牛肉拼盤🥩海鮮船入面有鮑魚、大蜆、扇貝和鱔片，感覺豐富牛肉拼盤質素都唔錯，其中牛肩胛油花充足，以燒烤方式嚟食可謂最適合不過頭盤已經咁豐富，仲有一整櫃蔬菜、肉類及海鮮可以網燒享用，款式極齊全，雞翼都有幾款唔同口味選擇😋海鮮方面有魷魚，秋刀魚，鯖魚，墨魚仔等等想食得健康啲可以選擇燒菠蘿，燒過嘅菠蘿特別香甜，必試！放題又點少得甜品呢甜品櫃有一杯杯馬卡龍、泡芙、麻糬和布朗尼等，乾淨衛生，仲有榴連味雪糕球&杯裝雪糕等無限供應，淨食大頭蝦同甜品都夠回本啦😆