泰.夯蝦 (堅拿道西) (Closed)

泰式流水蝦放題，真係第一次食！每檯食客側邊都有一條流水道，原來係比你即夾即燒，泰國大頭蝦新鮮生猛，夾起後放冰桶內凍暈d蝦，然後自己燒蝦，香噴噴又多蝦膏！大頭蝦夾起嗰陣非常生猛，會掙扎添！最重要係任食，好玩又好味。自助區有其他海鮮，雞翼腸仔（燒烤用），飲品熟食類、甜品類等等。有個醬料區，自己配搭點蝦醬，泰式酸辣汁、蒜蓉牛油等等，加上每人一份燒牛肉及鹽燒蝦，唔同時間有唔同價錢，我係平日夜晚10點後去，價錢就最抵。