蝦蝦燒 (Closed)

今次去荃灣食流水蝦，不單止大頭蝦係任食，連海鮮、串燒、熟食、雪糕同飲品，都係任飲任食，$338有得玩又有得任食海鮮，性價比非常高。呢間餐廳地方都好大，座位既隔離放左蝦缸係到，可以好方便就夾到蝦黎燒。職員首先會同你解釋燒流水蝦既流程，先將水同冰放落枱面上既鐵桶，再將蝦夾落去，等d凍到暈暈地就可以燒喇！大頭蝦頭非常多膏，食落鮮味十足，蝦肉好新鮮彈牙，有d個肚到仲有蝦籽添。食完蝦就出去拎海鮮，海鮮種類都好多，有生蠔、扇貝、大蜆、鮑魚、黃花魚等，扇貝同鮑魚都好大隻，出面有自助醬料區，有蒜蓉、辣椒、蔥、牛油等，我地自制左蒜蓉粉絲扇貝，真係新鮮又好味！我地都係主坆食海鮮，任食真係好爽！食夠海鮮後，再出去拎串燒，串燒種類真係多不勝數，有雞串、豬頸肉、雞皮、豬大腸、雞翼、魷魚、漢堡扒、蔬菜類等等，多達三十幾款，連蒜蓉包同窩夫都有。自助區仲有熟食，有咖喱魚蛋、蟹蓋、花螺、牛腩、麻辣椒鹽蝦等，但我地食得太飽無拎黎試喇！