阿爺八鮮鍋 (Closed)

一間食完一致認同可以encore既，又雞煲又打邊爐，食到超飽。每人$358任食真係好抵呀，男士們食得飽係首要，仲要好味，人人大讚！落完餐，就黎一盅盅燉湯，好清甜呀，正！餐前小食：蕃茄仔、柚子鮮淮山、醃青瓜、沙律出面好少見到仲有涼盤，仲要擺碟咁靚，唔講以為食緊日本野。天氣咁熱，食酸酸甜甜既涼盤，好開胃呀。海鮮冰盤：南非活鮑魚、龍蝦、扇貝一上台見到條龍已經哇出黎，裝飾得咁靚，真係打卡一流！見到鮑魚仲識郁，新鮮！鹽焗奄仔蟹另外叫左一碟下酒菜，細細隻奄仔蟹肉質鮮甜，仲有黃色蟹膏。時令刺身冰盤：象拔蚌、希靈魚、牡丹大蝦龍蝦、鯛魚食材名貴既冰盤，時令海鮮產類，成盤藝術品咁擺得好靚。哩度特製柚子醋點刺身，第一次食咁既配搭，好夾，清新。花膠年糕雞煲見到大量芫茜，正呀，加入花膠、韓國年糕，可見餐廳對食客既豪邁，店員說餐廳重視食客既用餐體驗。食左咁多野其實都飽左6、7成，再黎個鴛鴦鍋打埋邊爐，特別推介椰子雞湯底，好鮮甜。火鍋配料多種任食，手切牛、手製餃子、雲吞、蝦滑、白鱔等，都值得一試！