鍋卷鳴門 (Closed)

朋友話想黎挑戰活撈海鮮任食，一望到個海鮮池真係嚇左一跳，竟然有咁多款活海鮮可以任食，有瀨尿蝦，竹節蝦，大蜆，超巨型鮑魚，藍蟹，全部係水池爬爬走，可以即撈即淥，保證新鮮。自己最鍾意食竹節蝦，肉質鮮甜彈牙，有膏，一個人都食到半斤。藍蟹就最有驚喜，肉質好鮮甜，多膏，成個湯底都甜哂，係比較花時間拆蟹先唔係食左好多... 超巨型鮑魚，肉質彈牙爽嫩，鮑魚愛好者不能錯過。刺身任食，有甜蝦，元貝，油甘魚，三文魚，吞拿魚，八爪魚，等等，都幾新鮮，但因為係主角係水池嘅海鮮，就無叫到好多刺身，淺嘗。唔好以為主打海鮮，肉類就會被忽視，呢度嘅牛小排絕對交足功課，睇到油花都知靚，食落好香牛肉味，肉質嫩滑。蕃茄鍋底好香濃，好多蕃茄，襯海鮮就最夾！變左蕃茄海鮮湯，打完邊爐都飲左成碗湯。仲有數款料理可以選擇，日式醬油蝦就最惹味。炸物有即炸天婦羅，炸蝦夠香脆。雪糕同樣交足功課，竟然有咁多款式，H 字頭又有，D 字頭又有，連甜筒都有！火鍋配料有數十款，丸啦，腸啦，菜啦，呢D 都有齊。幾款啤酒可以自取任飲。整體4百幾蚊食到咁多新鮮海鮮，回本一定無難度，如果想食得無咁急就upgrade 120 mins, 可以慢慢嘆，始終海