鍋卷鳴門 (Closed)

可能係我試過最正嘅火鍋海鮮自助餐，真真正正活捉生猛海鮮，每日保證有五至八款🦞🦀🐚🦐時令最新鮮嘅海鮮，試過之後真係回味無窮😍今晚我哋食到嘅海鮮，最架勢嘅當然係斑馬賴尿蝦，仲有肥嘟嘟嘅大連鮑魚，同埋超大隻嘅九節海蝦，全部生猛，真係要我身手咁靈活先至可以活捉佢哋㗎😂你睇吓啲鮑魚，隻隻都吸住個魚缸，全部郁吓郁吓，真係睇見都開心😍 而且不斷添加，捉海鮮嘅過程真的很興奮，我真係未試過咁開心咁過癮😂環境裝修寬敞舒適，空間感夠，坐得舒舒服服，絕對唔會迫迫夾夾👍🏻建議大家着海鮮🦞🦐🦀🐚嘅時候真係要用個夾夾住，小心彈親，因為佢哋新鮮生猛扎扎跳，唔好俾啲熱水淥親呀😅除咗海鮮之外仲有優質牛肉、新鮮刺身、天婦羅，超過150種不同食物任你選擇，真係你諗得出嘅都有，絕對係令你驚喜又開心😍😍😍法國生蠔，鮮甜味美，海水味濃，即叫即開，絕對係五星級嘅享受刺身都係任食，記住食幾多叫幾多，千祈唔好做大嘥鬼啊😋估唔到佢哋呢個辣酒煮花螺🐚，又真係幾入味喎，絕對唔係求求其其嘅製作，水準好高👍🏻仲有多款雪糕、雪條、甜品任你食任你揀，真係睇見都開心，而且呢度服務招呼周到，價錢公道，品種高質又多款式，每位七百幾蚊，仲要任食120分鐘，我