呢間餐廳裝修都幾chill，平日夜晚去都full house😳 好多外國人喺度happy hour，好彩有book枱
一黎就上碗熱辣辣既湯同蒜蓉多士開下胃先。我其實麻麻地鐘意飲西湯，湯同糖水都係偏愛中式既，因為覺得西湯好頹好似罐頭湯，但我超欣賞呢個湯，佢blend左南瓜加入忌廉去煮，仲會飲到粒粒既南瓜蓉，蒜蓉多烘到脆卜卜，好味，沙律新鮮既 冇乜特別
叫左個法式焗田螺做前菜，細細件撈埋薯蓉食都唔錯，如果牛油味再重少少會更好
最期待既12oz 極黑和牛肉眼扒😍 一上枱真係心心眼，好大塊呀而且好香炭燒味！Grill到靚靚既坑紋即時食指大動！叫左medium rare火喉岩岩好 好靚既粉紅色但一啲血水都冇 表皮脆 入面好juicy 完全唔使sauce都好夠味 炸薯條都好有驚喜 新鮮炸起表面脆卜卜 成件事好perfect池 而家諗起都流哂口水呀
甜品櫃有好多mini cake揀 食完重味既牛扒就揀左件清新啲既玫瑰蛋糕Little Rose試下 個樣好靚呀 表面既啫哩連埋中間mousse cake同海綿蛋糕 口感好豐富 仲有栗子脆脆 完全唔膩 食一個真係唔夠喉，不過可能個雪櫃太凍 個蛋糕表面既啫哩雪得乾左少少 有啲美中不足
整體男人都好滿意呢餐，下次黎要試下佢個opera cake 好吸引！
