當下 (和富道) (Closed)

本身諗住落街食一碗麵就算，但係經過和富道嘅時候見到呢一間餐廳有一道蘑菇黑松露牛肝菌雲吞，忽然間引發起我想食西餐嘅慾望。好啦 就試一試你啦。食緊素嘅我今日可以食到呢一個雲吞真係非常之滿意。雲吞嘅餡係用咗牛肝菌同埋芝士而整嘅，味道濃，又香，個雲吞皮厚度剛好，有咬口。外面係用左卡邦尼亞汁，在灑上黑松露碎，好creamy ，好好味。黑松露炒蛋牛角包，又係黑松露？係呀你冇聽錯因為我個人就真係好鍾意食黑松露，好鍾意食炒蛋，又好鍾意食牛角包！食呢一個可以一次過滿足晒我三個願望，而且佢個價錢真係非常之抵，只需要40幾蚊。係一般西餐廳來講佢嘅性價比非常之高。最後就係佢嘅甜品，今日嘅甜品係蘋果芝士蛋糕，佢嘅蘋果放左喺蛋糕上點綴，清香，爽甜。芝士蛋糕口感軟滑，除左芝士香之外仲有小小甜奶香，幾特別。