Video
Read full review
2021-04-09
12901 views
我最鐘意食牛，早排喺屋企Yakiniku完意猶未盡，最近知道富小路やま岸開咗新品牌「焼肉而今」(Yakiniku JIKON)，就立即約朋友試下！店內有3款Dinner Set，只有《而今》Set係由女將席前燒烤，好彩我有提早預約，因為我當日平日去都滿座！燒肉嚴選東京百年老店「日山畜產」嘅A5和牛，和牛質素有保證！一個套餐更有10道和牛料理，超豐富！《而今》煙燻和牛粒配魚子醬和牛薄切入口即溶，帶有濃濃煙燻香氣，配上珍貴嘅Caviar及酸甜嘅蘿蔔絲，立即令整個食感唔會太油膩，反而做到清新開胃嘅前菜效果！A5和牛他他 配和牛壽司和牛壽司分別以松露和蒜片帶出和牛的肉味，一次過食到兩種風味！享用和牛壽司嘅同時，女將會喺爐上烘一烘多士，令到多士口感更加香脆，再放上軟滑嘅和牛他他，味道豐富！而今特選鹽燒A5和牛3切每塊A5和牛都有漂亮嘅霜降雪花，油脂分佈極其平均，雪花：赤肉比例幾乎一半一半，而每道料理都食到和牛唔同嘅口感，有入口即溶嘅，有爽口彈牙嘅，有柔軟細膩嘅....唔同切法配合合適嘅燒肉技巧，令每塊燒肉都達至最佳嘅味道！呢道而今特選鹽燒A5和牛3切料理只以鹽為和牛稍作調味，最能享受到靚牛嘅原汁
店內有3款Dinner Set，只有《而今》Set係由女將席前燒烤，好彩我有提早預約，因為我當日平日去都滿座！燒肉嚴選東京百年老店「日山畜產」嘅A5和牛，和牛質素有保證！一個套餐更有10道和牛料理，超豐富！
《而今》
煙燻和牛粒配魚子醬和牛薄切入口即溶，帶有濃濃煙燻香氣，配上珍貴嘅Caviar及酸甜嘅蘿蔔絲，立即令整個食感唔會太油膩，反而做到清新開胃嘅前菜效果！
A5和牛他他 配和牛壽司和牛壽司分別以松露和蒜片帶出和牛的肉味，一次過食到兩種風味！享用和牛壽司嘅同時，女將會喺爐上烘一烘多士，令到多士口感更加香脆，再放上軟滑嘅和牛他他，味道豐富！
而今特選鹽燒A5和牛3切每塊A5和牛都有漂亮嘅霜降雪花，油脂分佈極其平均，雪花：赤肉比例幾乎一半一半，而每道料理都食到和牛唔同嘅口感，有入口即溶嘅，有爽口彈牙嘅，有柔軟細膩嘅....唔同切法配合合適嘅燒肉技巧，令每塊燒肉都達至最佳嘅味道！呢道而今特選鹽燒A5和牛3切料理只以鹽為和牛稍作調味，最能享受到靚牛嘅原汁原味！
而今特選醬燒A5和牛1切 配海膽和牛熱狗海膽和牛熱狗即燒係富小路やま岸嘅招牌海膽手卷變奏版！海膽配燒和牛意想不到地夾，加上紫蘇葉令整個熱狗增添香氣，同時減低膩感，滋味滿滿。
沙律即使沙律亦毫不馬虎，日本番茄酸甜有致，伴上新鮮冰菜，開胃清新，剛好清新一下口腔去迎接接下來嘅料理！
夏多布里昂1切及和牛西冷配柚子醋夏多布里昂位於菲力嘅中心，脂肪只有一般里肌肉嘅一半，係菲力最嫩嘅部分。輕輕燒一燒，已經帶出肉味，入口鬆化，正！
和牛西冷肉味濃郁，配上蘿蔔蓉及柚子醋解去膩感。
吸物清甜嘅湯底加咗青檸，酸酸地好醒胃！
而今特選A5和牛壽喜燒 配松露全晚高潮迭起，我自己最鍾意嘅就係呢道特選A5和牛壽喜燒配松露，呢塊和牛稀少部位真係正到爆，和牛輕炙後逼出脂香，再放上特製壽喜燒醬汁並刨上黑松露片，視覺+味覺+嗅覺多重享受，簡直係極品！
和牛湯麵／和牛茶漬飯／冷麵開頭以為和牛湯麵及和牛茶漬飯只係用上牛湯底而已，點知都真係有和牛片！好誇張！超飽足！
而今甜品一個好簡單嘅甜品，但係非常圓滿嘅作結！
當晚亦點咗兩杯Cocktails（$78），比較少人介紹飲品，其實都好有水準！Lychee Martini加咗Sake，既有荔枝清甜又有酒嘅芳香，味道好balanced；朋友話杯Mojito都味道唔錯呢！
作為米芝蓮一星嘅京都懷石料理餐廳「富小路やま岸」嘅燒肉品牌，「焼肉而今」每道料理亦見到懷石料理嘅元素融入其中，整體我覺得好抵食，過江龍，仲要呢個質素，呢個地段，呢個服務，呢個份量，絕對物有所值，去到最後係好滿足好滿足，然後覺得返完一日工食到餐好真係好解壓！活在當下，美食當前，把酒盡歡！當晚坐吧檯嘅好多都係日本客人，所以成晚都聽緊日文，好似返咗鄉下咁！我自己雖然不懂日語，但當晚都有嘗試以我僅餘識嘅幾個日文單字同女將野村寛美小姐傾下計，估唔到臨走嘅時候野村寛美小姐竟然同我selfie，令我受寵若驚，哈哈～
Post
