Thai Chang House

去完泰國無耐,但又泰國菜癮起,唯有九龍城搵食。見到依間泰象館人氣激旺,就一於試下。

泰皇秘製鰂魚沙律

$168

一上枱見到碟沙律只能夠用澎湃黎形容,好大碟。鰂魚起晒肉再拎去炸,食起黎超方便啖啖肉又香脆,配搭埋酸酸地又爽囗嘅青芒果同帶有少少辣嘅沙律醬汁,超開胃而且送飯亦一流。

蝦餅拼魚餅

$72

經典泰國小食,蝦餅口感彈牙,外皮香脆。魚餅充滿香茅同檸檬葉香味, 十分惹味。

馬拉盞炒椰菜苗

$58

幾乎每次見到Menu上有椰菜苗我都一定會點。我最愛就係配上馬拉盞嘅配搭,小小辣夠晒惹味,配上充滿鑊氣但又唔會過老嘅椰菜苗就啱晒。