南豐餐廳

Open Now

Now Closed

平時去開九龍城一定係食泰國野, 一係打邊爐, 今晚同幾個朋友食飯, 泰菜食到悶晒, 咪簡單去搵間茶記食開頭都冇咩期望, 點知食完喜出望外先講環境: 間舖應該開左冇耐, 光鮮, 一D 都唔污糟, 坐落都好舒服,服務: 伙記態度OK, 唔會串, 上菜上飲品都會放係你面前, 唔會放係母雷公咁遠上菜都快 食物質素:最令我驚喜既就係食物紅酒牛尾 ---  牛肉好夠淋, 有牛筋 ,一般茶記紅酒牛尾邊會咁好有牛筋, 個汁好正, 入晒味, 撈飯一流古魯肉 --- 堅正, 你知啦, 出去食茶記古魯肉真係好似賭大細, 一係就勁厚粉, 食KFC 咁, 一係就勁肥, 勁多脂肪, 但係E 到真係做到外脆, 入面啖啖肉, 有咩肥, 正, E 個真係喜出望外, 個汁都正唔記得叫咩名 --- 類似小炒王之類, 放左脆魚仔, 幾過癮, 出面未食過, D蝦新鮮, 有高級酒樓影子價錢:正常價, 唔係貴真係估唔到九龍城都有高質茶記, 下次想試下佢下午茶, 西多士, 紅荳冰果D, 九龍城除左食泰菜都可以試下E間茶記題外話, 個老細後生型男, 大隻仔