大食代 (Closed)

今日又去鑽石山荷里活廣場既大食代到食晚餐。見到間『泰膳』有個，52蚊，加野飲就要多6蚊。見佢咁得意就買黎食下。首先，個飯唔係講笑，真係滿滿既一大碗飯放入個菠蘿殼到，仲要係咖喱炒飯。成個飯有雞肉、約兩隻小墨魚、兩隻大蝦肉，當然唔少得菠蘿啦！個飯就炒到好香，食海鮮炒飯最重要係乜？緊係要有海鮮啦，咪以為好似個飯好似唔多，但其實係因為啲海鮮真係有份量。而個咖喱味唔會太重，岩岩好！最正係，如果你想個飯多啲菠蘿味/加酸味，可以直接拮個菠蘿殼既底部，逼啲菠蘿汁出黎調味。所以，58蚊食一個飯，又美觀、又好食、又飽、玩味又重，我覺得係值得既！