SAYAM Thai/Bar

上個月去完泰國，突然間好掛住泰國嘢，於是一家三口就上網搵下銅鑼灣有冇咩泰國嘢食，今次就試下喺渣甸街嘅Sayam 啦。Sayam 係一間樓上舖，要上去就喺渣甸街一堆台式飲品舖中間，門牌怡和街22號上三樓。

門牌充滿泰式風味，令我回想到上個月去泰國嘅經歷，仲有熱情嘅侍應招呼我地入去！

入面裝修同燈光都充滿咗泰式風味，Menu 有三份，都好多選擇！

1

我地叫左個炸蝦混墨魚餅，一食就食得出係用新鮮蝦手打，果種彈牙同蝦味係冇得呃人的。如果怕熱氣，可以配埋生菜一齊食，爽脆又有口感。
小食方面仲叫咗串燒，竹籤邊包咗錫紙唔怕整污糟手，肉本身未點醬都已經好入味！

我地主食揀咗乾炒海鮮粗粉皮，賣相討好，香味十足，用料新鮮又好味，好值得叫！

最後怕唔夠飽仲叫埋半隻燒雞，配埋佢嘅特製醬汁完全無得彈！！