3大4細，打邊爐嗌咗Set A，食90分鐘。
其實都好多嘢食拎，另外QR code落單。
一上鴛鴦鍋就嚟卡樂Beef、豚肉片同酒嫩雞件。
其餘見以下各圖：
仲有港式檸茶檸水奶茶咖啡華田好立克，由於只能upload 12張相，所以不放在這裡。
堂食自助有咩拎可見其他評論，不贅。
串燒、薄餅(naan) 係我嘅推介。
盲盒飲品係正嘅，嗌三次分別出現咗珍多冰、涼粉冰、紅豆冰。
我之前最擔心無得揀嘅carbo，原來現場有得拎王子麵同辛辣麵，QR code落單有烏冬、金邊粉、白飯，總有一款啱食！
卡樂beef真心唔錯，對得住價錢。
唯一美中不足係甜品唔吸引⋯真係飲多兩杯特飲 / 盲盒好過XD
帶住小朋友有少少超時，侍應姐姐們都係溫馨提醒，都算唔話得㗎喇。
如果唔係距離屋企太遠，一定會多去。
