篤篤車 (Moved) New Location

難得今個週末天氣陽光普照，終於無落雨，一於入元朗食好西。最後揀左篤篤車食車仔麵，呢個鋪頭細細，但入面都相當乾淨，係門口排左5分鐘已經有位。鍾意食泰國菜既我梗係要試下個招牌之一既冬蔭公湯底配米線，湯底可以按照個人喜好揀選大中小唔同辣度，配料方面揀左平時車仔麵檔較少見既珍珠元貝、雞腎同埋必食既冬菇。冬蔭公湯底清新開胃，入口卻較傳統既泰式冬蔭公湯底輕盈，減少左椰奶的份量令酸辣味更突出。米線軟硬適中，吸收左香濃湯底既精華，非常惹味。珍珠元貝份量都好足，至少有7-8粒，入口鮮甜嫩滑，頗有驚喜。而厚身既冬菇燜到軟腍，非常入味。如果可以剪埋個冬菇蒂就完美啦。