泰廳 (Closed)

最近泰王登基，雖然唔能夠直搗泰國一覽佢o既風彩，但食番間decent o既泰國菜館，都算感受o左呢股洋溢o既氣氛了吧！呢間餐廳，唔算好大間，但牆上掛上唔少好似大象同佛像呢d 掛畫，天花安o左蓮花燈，仍然滲出一昧淡淡o既泰式風情。菠蘿海鮮炒飯($89，應該要加一但唔知點解無收到) 以原隻菠蘿呈上，賣相幾靚幾吸睛，我地都爭住影相。冧到好鬼高，要小心d 滭，唔係就會跌到一檯都係……個飯有兩隻大蝦，裡面用上魷魚等o既海鮮，同菠蘿一齊快炒，充滿香氣，食落因為菠蘿而帶點微酸o既味道，好讓人開胃！湯粉係東南亞菜o既代表作，當然要點番個，叫o左個扎肉湯粉($59)。粉底有住多種選擇好似金邊粉同檬粉之類，我地最後揀o左河粉。札肉好厚身，有四大塊。佐料除o左有生菜、芽菜同蘿蔔呢d常見o野之外，仲附上一片類似炸雲吞皮o個d 仆仆脆，幾有特色。本來想仲叫多個香芒黑白糯米飯($55) 作為甜品，但咁o岩未能提供，所以改o左個小食，試o左碟bbq menu 上o既燒雞翼($55)。嘩好邪惡呀燒到咁燶咁香口，層皮好脆，裡面d 肉燒到好結實，就咁食已經好惹味，點埋泰式辣醬就仲正啦！飲品淨係點o左一杯，叫o左杯椰汁涼粉