泰亞萊海南雞專門店 (Closed)

身為近D2 Place依邊嘅打工仔，懶得劑唔想行咁遠，晏就食飯真係冇乜選擇，仲要係黃嘅更加寥寥可數。依間泰亞箂海南雞專門店，食過幾次佢嘅海南雞飯，冬蔭功湯粉都試過。海南雞起晒骨，食落方便，而且個飯落咗雞油，但又唔會油淋淋，配埋個酸甜醬汁，都幾夾。但個湯粉份量就細咗啲，同埋舖頭冇堂食，次次等湯面都好耐，仲都要係馬路邊等，大熱天時真係會即刻身水身汗。今次試咗個滷水豬頸肉飯，豬頸肉份量好似比雞飯少，但豬頸肉好入味，肉質偏淋身。配嘅泰式辣汁，有少少畫蛇添足，因為個豬頸肉本身已經滷得好夠味，如果係For 解膩又好似唔太夾......反而啲酸菜就幾出色。仲加咗$3要咗個椰汁冰，勁濃唔會水水的，之前試過龍眼冰都ok。味道，份量都可以接收，但價錢算少少貴，如果個湯面可以再煮快啲會更吸引。