泰亭 (Closed)

難得平日可以約到閨蜜去食個午餐，緊係搵間可以坐得舒舒服服架啦～餐廳中午時間會坐滿，最好早啲入座就唔駛等咁耐。坐滿都會有少少嘈，但係都算好好坐。午餐有15款選擇，仲送汽水，總有一款啱你口味。我同閨蜜揀咗兩款一齊分享。香茅豬扒飯($58)一上枱見到豬扒得一小塊有啲失望，但係好彩味道可以挽回分數。仲包埋一碗胡椒冬瓜湯，但比較鹹。扎肉肉丸清湯粉($48)每樣材料都有四嚿，裏面有好多芽菜，好足料。扎肉有黑胡椒喺入面，好惹味。湯底亦算好味。追加咗個酸辣無骨鳳爪($18)連埋啲蔥食好有泰國風味，同埋都算好夠辣。總結係，質素會令我再去幫襯，試埋其他食物。另外幫手落單同俾碗仔我地嘅店員都好好禮貌。