後尾search先知原來係米芝蓮嚟
款款食物好有泰國風味，冬蔭功+咖哩+海南雞等好似飛咗轉Bangkok
室外同室內用色都幾搶眼，綠色配黃色好sharp
菜底款式多多，當中有2人套餐甚至4人套餐
2人套餐有7至8款菜式，真係食到飽肚！
冬蔭功海鮮豬肉丸湯
份量好夠，足夠勺出3至4碗
材料好豐富，有大蝦+豬肉丸+秀珍菇+車厘茄+白茅+芫荽+辣椒等
蝦肉同豬肉丸都好爽口彈牙
冬蔭公湯好鮮紅，味道帶酸辣+微甜
好重椰奶味，睇到好多香料，入口開胃
酸辣鳳爪係前菜，好醒胃
好重酸辣味，不過辛辣味重過酸味
無骨鳳爪方便易食，好爽口，最啱夏天食
泰潮海南雞可配白飯或雞油香飯
雞油香飯就香啲
入口啖啖油香，唔會太濃味
飯質乾身，飯量好多
海南雞上枱黃澄澄，雞皮油亮又爽彈，唔太肥膩
份量都唔少嘅，以雞胸同雞髀為主
雞肉已起骨，好方便
雞肉好嫩滑，雞肉同雞皮中間有層薄雞油
而酸辣醬汁微酸，蘸雞肉一流
泰式蒜蓉炒雜菜似住家菜
好夠火喉，上枱時仲係出緊煙
調味料幾清，似乎幾健康
當中有椰菜+木耳+芥蘭+紅蘿蔔等
賣相OK，好香蒜蓉味，幾解膩
泰式炸蝦餅拼春卷熱辣辣
炸起好香脆，只係較油膩
炸蝦餅咬落係啖啖肉，夠厚身，彈牙+蝦味重
質感幾結實，似手打蝦肉
春卷內餡係蔬菜絲，減低油膩感
炸物配泰式辣醬更惹味
招牌咖哩可配牛筋腩/豬頸肉/雜菜
咖哩味唔算辣，反而有甜味，中和其他菜嘅酸辣味
青咖哩椰香味重，椰奶份量唔少，撈飯一流！
配搭豬頸肉OK，肉質軟嫩
表皮香煎後幾香口，有咬口，唔太韌同唔黐牙
甜品有椰汁糕
啖啖椰奶味，最底有層薄椰青味
上面香甜，下面清甜
飲品試咗冰凍泰式香茅薑蜜
香茅水+生薑蜜
香茅味好特別，超重薑味，加入少量蜜糖有微甜感
椰汁冰亦重椰味，可以解辣同解膩
