泰坊 (Closed)

今日放工心掛掛好想食泰菜，見到附近有間泰國餐廳—泰坊，於是決定上去拆餐好嘅😜椰青花膠雞煲 ($98)- 呢個煲真心好正，個湯極級足料，甜都不得了，一啖接一啖，停唔到口，而且花膠大件有咬口，椰青又香軟細滑，雞肉都煲到好軟身，好好好味啊😍乾炒海鮮河粉 ($68)- 河粉嘅水準唔錯，炒得幾有鑊氣，好惹味，而且海鮮都好足料😙燒豬頸肉 ($45)- 豬頸肉切片均勻，肉質鮮嫩入味，外圍燒得香焦微脆，食落口感幾豐富😋香茅雞翼($38)- 香茅雞翼都幾有質素，肉質尚算香嫩，外皮炸得香脆，配埋泰式甜酸醬，每啖都好滋味😍椰青 ($38/1)- 椰青好清甜，仲好細心加咗冰塊，飲落非常之透心涼，挖埋入面雪白軟滑嘅椰肉，啖啖都好享受❤️酸辣鳳爪沙律 ($68)- 酸辣鳳爪果然都好惹味，酸酸辣辣超級開胃，而且鳳爪爽脆，口感一流😙食物真心高質，我地食到舔舔脷，所有配搭都恰到好處，而且好抵食，一定要encore😋