泰園 (Closed)

一行5人黎到"泰園"試新野...我地用網上訂坐, 加上當天係星期一, 所以冇乜人流, 亦唔洗等位。用OPENRICE網上訂位, 仲可以享有招牌菜"波子海南雞飯"一客 $44一入到去俾左幾杯水黎飲下先, 一飲落去原來唔係水咁簡單, 應該加左薑同香茅。等齊人, 我地叫左8樣餸...- 2碟生虾 (個汁好味,虾身都夠厚肉)- 泰式牛肉沙律 (鐘意辣既人,必試) - 泰式炒椰苗 (味道OK, 但有叉燒感覺怪怪地)- 泰式炸虾餅 (同出面既相同, 一般都OK)- 冬陰公海鮮湯 (飲完好陰公!!!一個字咸...已經要求換左次,第2次雖然加多左酸味,但依然咸到冇朋友)- 雞肉青咖哩配蒜蓉包+薄餅 (咖哩冇咖哩味,甜甜地似甜品同似沙律醬)- 泰式鹽焗烏頭 (味道OK,可以一試) - 波子海南雞飯 (招牌菜?!半價?!係咪半價所以好差?飯係好得意味道都可以,但個雞就咸到不得了,究竟用鹽水黎浸雞?!定用鹽黎yip雞?!簡直就係好似放啖鹽落口一樣!!!)另外仲叫左3杯青檸梳打,1杯咸檸七同1個椰青- 青檸梳打 (得2片,仲要薄一薄) - 咸檸七 (味道OK, 但反而唔夠咸) 唔通D鹽用晒黎整波子海南雞飯同冬