阿來東南亞風味 (Closed)

今日去左間泰國餐聽食野。餐廳睇落普通，但菜色都幾驚人。以為淨係得泰國野，馬拉野都有。真係同餐廳名一樣咁東南亞。叫左個咖哩炒軟殼蟹。大大碗既黃咖哩。啱啱炸得好熱既軟殼蟹擺埋一齊，味道特別香。咖哩加左蛋花，所以好滑又有蛋香味。軟殼蟹一入口，好脆。而且軟殼蟹又新鮮，加埋濃郁既咖哩一齊食真係好香好無敵。之後試下個馬拉菜色先。叫左碟馬拉豆卜釀蝦膠。呢個就係馬拉既釀豆腐。同係馬拉食既一樣，豆卜整得脆，唔同既係，入邊既餡新鮮過馬拉食個啲。所以成個豆卜釀蝦膠係新鮮彈牙又好食。加埋酸辣醬仲惹味。呢個菜色爽口，唔錯！整埋碟飛天通菜。好道地既泰國飛天通菜。首先要夠熱。第二味道要有辣味。通菜要炒到脆口。餐廳炒呢個通菜炒得唔錯，惹味又滿足都三個條件。感覺好似過左去曼谷咁。飲埋個大椰青清一清熱，泰國椰青真係無得輸。清甜又帶陣香椰味。感覺好舒服好好飲。