泰爸爸

Open Now

Now Closed

疫情期間好難先至約到朋友食飯。知道他work from home, 下午冇乜野做就約佢黎呢間泰爸爸食個下午茶先！四點鐘去到，喺門口最吸引眼球嘅係前面兩把風扇，令坐外面要呼吸嘅客人都感到涼快🙂🙂坐低左之後發覺間舖裝飾有好多掛牆公仔好得意😎好啦到揀野食，竟然仲可以有午餐叫，變相多左選擇！我地先叫左個紫菜豆腐肉碎湯、生牛肉湯河、鮮蝦炒金邊粉。由於午餐關係，杯特飲青檸梳打仲特左價添！上菜前，侍應好送上熱水，已浸了餐具（細心1）個生牛肉湯河賣相唔錯！很少餐廳會配上蘿蔔的，而舊蘿蔔係超諗！（細心2）至於個湯呢......好清甜，夏天啱晒😍配料除紫菜肉碎外還有少量西芹及玉子豆腐！呢個都係好少有，又幾啱味幾colorful! （細心3）碟金邊粉都炒得唔錯！埋單都係一人百二蚊，呢區黎講算抵！臨走前留意到三樣野：1）門口竟然坐無虛席2）20蚊包嘅蝦片好似幾吸引3）晚市外賣自取都有總評：一對朋友，三個細心，百零蚊一位，唔錯唔錯！