泰國婆

Open Now

Now Closed

最近去咗坑口依間「泰國婆」食晚飯，又食下D我最鍾意嘅泰國菜先！*此餐廳收取加一服務費。生蝦刺身（單點$138），生蝦好大隻，食落好新鮮，配以蒜片、指天椒、泰式酸辣汁食用，食落好惹味。泰式海鮮炒粉絲（單點$98），鮮蝦肉質爽口，味道鮮甜，魷魚口感彈牙，青口食落有鮮味，表面鋪有乾蔥，炒粉絲食落條條分明，略嫌調味較淡，配料包括有雞蛋、彩椒、洋蔥、紅蘿蔔、娃娃菜、香蔥。泰式青木瓜沙律（單點$78），好足料，內有青木瓜、車厘茄、紅蘿蔔、豆角、花生、生菜，味道酸辣，配以櫻花蝦食用，味道鹹鮮。雞油飯（跟餐$15），雞油味道濃香，飯粒口感軟硬適中。椰汁珍多冰（單點$38），綠豆斑蘭粉條口感爽滑，椰汁味道香甜。