泰簡單

Open Now

Now Closed

呢日陪朋友出銅鑼灣睇衫，本身已經上網揀左呢間泰國菜黎食，因為好似好奈冇食泰國菜，而且見到係泰國人主理，所以就想試試。餐廳搭lift上頂樓，帶位的泰國人都識講基本廣東話，很有驚喜。餐廳選擇都幾多，我地叫左以下食物：咖哩豬軟骨豬軟骨肉質嫩滑，煮得好夠林，醬汁濃郁，同咖哩好配，咖哩不算太辣，但夠香，又濃郁。蒜蓉包食咖哩要配返啲野黎點，因為我地叫左炒飯，就唔點白飯，就決定叫蒜蓉包，蒜蓉包外皮酥脆，內裡鬆軟，又唔會乾身，索滿咖哩汁好好味，亦依然食到蒜香味。飛天通菜飛天通菜色好夠辣，啱哂鍾意食辣嘅我地，而且通菜口感爽脆，辣之餘亦有菜的鮮甜味。蟹肉炒飯蟹肉炒飯炒得粒粒分明，很香口，蟹肉有鮮味，份量又多。我同朋友都分點了兩杯特飲，鮮火龍果橙汁和雜果梳打珍珠芝麻石榴汁，口感清新，很適合夏天飲。餐廳仲有室外位置，都幾chill，好適合打卡，餐廳又有cocktail飲，坐室外都另有一番風味。