今次呢間鋪頭就真係座落於「大水坑」隔離喇～
區內小店，隔離係間佛堂，如果中午時份隔離有開，就可能會有浸燒香味，需要注意。
比我揀，我會揀食晚市，因為呢間食物性價比高，店主富有人情味，付款方法收現金/八達通💰
鋪面貌似茶餐廳，但係座位係綠色軟淋淋，坐得舒服的！
叫左幾個餸，味道同水平如下：
小食拼盤：有2款size揀，2個人得，4個人又叫得，春卷魚餅都有，即叫即整，熱辣辣🔥
炒金邊粉：金邊粉夠乾身，唔會好油膩，調味洽當，可以一試😋
珍多冰：椰汁＋奶＋1條條「珍多」啫喱，味道甜左小許，不過食煎炸野配上此飲品則恰到好處🙈
