Chilli Lime (MONTEREY Place)

Open Now

Now Closed

將軍澳海旁搵到間擁有四個國家菜色餐店，滿足晒不同口味需要，值得一試。😋泰式柚子鮮蝦沙律 - 鮮！蝦肉新鮮彈牙，柚子清新juicy，而配料花生亦香脆可口，最特別係佢個別具風味嘅沙律汁，令每一啖沙律都蓋上一股特別香味，可以話係一道令人開胃，色香味俱全嘅前菜。馬拉羊架 - 正！羊架係新鮮烤熟，肉質嫩滑，燒得剛好唔會過熟。吃落冇臊味，配上薄荷醬汁令整體味道提升。印式椰香牛肉 - 香！咖哩香料味濃，味道微辣，醬汁非常適合配飯或者烤餅食。值得一讚嘅係佢嘅牛肉炆得好焾，肥瘦適中，口感係唔錯。印度酥油薄餅 - 酥！新鮮烤起，上碟撕開時候熱到燙手。比起傳統烤餅，更加吸收咖哩汁，香脆酥口，一啖接一啖食唔停。