樂記車仔麵 (Closed)

呢間一直無試過，係佢update餐牌之後，清清楚楚咁列出價錢、有咩食之後先入去試下。雜錦麵，牛腩好硬，炆得未夠時間，雞翼同豬紅麵滑入味浸得好好。豬大腸係彈爽口個種，個人唔鐘意，唔會再叫。其他無感。溫泉蛋肉燥豬扒飯差到食左一啖想逃走，但又唔好意思，硬住頭皮食左啲先走。豬扒明明睇完人地既照先叫呢個，人地既煎或炸的金黃，睇照好吸引。我食到既似白烚，無味仲放左陣，微暖。衰就衰在仲要微酸，（變左質？）又唔算明顯，肯定又唔敢話係，照食，好硬好難食既白烚豬扒😭。肉燥又係油膩唔算好食但香港大部分都會出現既香港冬菇肉燥味。飯又唔算熱，放塊生既生菜堆晒啲油，似廚餘，大佬，俾兩條烚好既生菜感覺會好好多。溫泉蛋係流心，但無浸任何調味料，撈返肉燥先有味。呢個組合純對好食，魚腐有時後上。未上第一次食，仲以為漏咗個餸，追問，個呀姐先講等陣會上埋，咁樣唔好，放底講聲唔係更好。餃子好難食唔好叫，好粉累累、穿皮、無味。鮮牛睇個人，我食正勁多勁多筋既。早餐都食過兩次，炒蛋份量勁多，算平，鮮茄牛通牛肉份量好多。服務方面係全部人都超好，超街坊feel，係真心好人個種。