必食推介：鵝肝油封鴨意粉
一上枱已經聞到超香鵝肝味！大大塊鵝肝煎到外脆內軟，用叉輕輕一壓就爆出油香。油封鴨腿絲份量十足，鹹香得來唔會太乾身。意粉煮得al dente，掛滿用鴨油同忌廉調製嘅醬汁，每啖都食到濃郁鴨香。最邪惡係將鵝肝撈勻啲意粉，成個口感即刻昇華，油脂香氣充滿成個口腔，罪惡感爆燈但真係停唔到口！
驚喜之選：法式烤黃雞半隻
平時好少喺法國餐廳叫雞食，但店員推薦就試下。上枱見到雞皮烤到金黃色，切開時肉汁多到流晒出嚟！雞肉用香草同蒜蓉醃過，入味得來唔會太鹹，肉質超級嫩滑，連雞胸位置都唔鞋口。伴碟嘅薯蓉順滑creamy
整體來講，Odelice嘅食物質素拍得住高級法國餐廳，但價錢親民好多，服務又夠friendly。特別推薦情侶約會或者姊妹gathering，環境舒服得來唔會太拘謹。
