Video
Read full review
2019-10-18
567 views
星期日返咗學校開會，夜晚放學男朋友過嚟接我食晚飯，話book咗間法國菜，呢間餐廳大廚係🇫🇷法國巴黎藍帶廚藝學校畢業🏅餐廳喺YWCA入面，門口仲有得泊車，好方便！我地七點半左右去到，餐廳入面已經好多人！好彩有book定位🥳餐廳裝修走型格路線，晚餐包主菜+飲品，價錢$108-$238，以法國菜嚟講，價錢好親民，而且菜式選擇多，有魚/雞/豬/牛/羊/意粉。⭐️墨西哥粟米片 $68頭盤我地叫咗個墨西哥粟米片。粟米片脆卜卜，熱辣辣，仲有芝士拉絲！啖啖都香脆可口，令人想一食再食！三款配醬：酸忌廉/牛油果醬/番茄莎莎，酸忌廉同牛油果醬香濃軟滑，番茄莎莎酸甜清新，配粟米片一流！⭐️香煎鴨胸配血橙醬 $158法國菜入面經常出現嘅鴨胸，當然要叫嚟試試。擺盤精美，厚身鴨胸配上薯蓉，蘆筍，小椰菜，蕃茄仔，粟米芯，色彩鮮艷豐富。鴨肉脂肪本身就比較少，鴨皮煎至金黃，煎出油脂，釋放油香，食落唔會覺油膩，入口仲有陣陣油脂嘅甘香。煎鴨胸火候掌握得好，內裡肉質呈現粉紅色，而且肉汁豐富，味道非常鮮味！⭐️加拿大豬鞍配蘋果醬 $158豬鞍厚身，烹調時間拿捏準確，全熟之餘肉質腍滑，一啲都唔嚡！仲好有彈性。蘋果醬清新開胃，可減低肉食嘅
餐廳喺YWCA入面，門口仲有得泊車，好方便！
我地七點半左右去到，餐廳入面已經好多人！好彩有book定位🥳餐廳裝修走型格路線，晚餐包主菜+飲品，價錢$108-$238，以法國菜嚟講，價錢好親民，而且菜式選擇多，有魚/雞/豬/牛/羊/意粉。
⭐️墨西哥粟米片 $68頭盤我地叫咗個墨西哥粟米片。粟米片脆卜卜，熱辣辣，仲有芝士拉絲！
啖啖都香脆可口，令人想一食再食！
三款配醬：酸忌廉/牛油果醬/番茄莎莎，酸忌廉同牛油果醬香濃軟滑，番茄莎莎酸甜清新，配粟米片一流！
⭐️香煎鴨胸配血橙醬 $158法國菜入面經常出現嘅鴨胸，當然要叫嚟試試。
擺盤精美，厚身鴨胸配上薯蓉，蘆筍，小椰菜，蕃茄仔，粟米芯，色彩鮮艷豐富。
鴨肉脂肪本身就比較少，鴨皮煎至金黃，煎出油脂，釋放油香，食落唔會覺油膩，入口仲有陣陣油脂嘅甘香。
煎鴨胸火候掌握得好，內裡肉質呈現粉紅色，而且肉汁豐富，味道非常鮮味！
⭐️加拿大豬鞍配蘋果醬 $158豬鞍厚身，烹調時間拿捏準確，全熟之餘肉質腍滑，一啲都唔嚡！仲好有彈性。
蘋果醬清新開胃，可減低肉食嘅積滯感，伴碟配菜中嘅焗蘋果好香甜。
⭐️法式檸檬撻檸檬撻外皮鬆化香脆，味道清甜，唔會太酸，好有新鮮檸檬嘅原味道。
⭐️凍檸餐 (跟餐)茶底清香唔澀。
Post
